Croeso i wefan Hogia'r Ddwylan

Sefydlwyd yr Hogia yn 1966, yn bennaf fel parti cerdd dant. Ymhen amser, gydag arweinyddion gwahanol, datblygodd y parti yn gôr meibion llewyrchus. Daw’r aelodau o Fôn ac Arfon, dwy lan y Fenai, a chynhelir yr ymarferion yn Llanfairpwll. Dros y blynyddoedd enillodd y côr sawl tro mewn gwyliau yng Nghymru a thu hwnt gan gynnwys yr Eisteddfod Genedlaethol. Bu’r Hogia ar sawl taith dramor i gynnal cyngherddau, gan ymweld a gwledydd yn Ewrop a’r UDA. Mae’r Hogia hefyd wedi mwynhau canu yn Stadiwm y Principality nifer o weithiau.